إهداااء لكل أم

حبيت اهدي هالقصيده الي كل أم ولدها مسافر عنها و واخص أمي الله يخليها لي ويخلي امهاتكم

أشوفها بعيونها تقول لا تبتعد عني وانفجر قلبي حزن يوم شفت دمعتها

ضاعت الدنيا بعيني وأقول الله يلعني كان الحزن خيم عليها ونا سبتها

لا ياولدي سافر بس لاوصلت طمني تدعي وهي تمسح دمعاتها بشيلتها

يمى لاتبكين والله لو كنت وشكني ما اسوى دمعه من دموعك لا ولا ذرفتها

أشقيتك ..وحالك يقول الله يصبرني مصيره بيكبر ويعرف قدر الأم ومعزتها

أزعل على نفسي وتقول تراك تزعلني أحرمني السعادة وتصير محرمها سعادتها

أحلى القصايد والحكي الي يجي مني ما يعبر غلاتها عندي ويوصف ومحبتها

قصتي معها عجيبه والبنات يمكن يلومني لو قلت ماحد يسوى ظفر امي ولا نعلتها

لا تزعلن علي هذي حقيقه وافهمني انتن ثرى بعيني وهي الدنيا وثريتها

لو جبتها بالوصف ..يمكن ما تصدقني ملاك وفيها كبر سن مزود حلاوتها

وفيها دماثة خلق وأطباعها تحيرني كأن الحيا وعزة النفس مفصول بجدار حكمتها

كل الامهات طيبات وحبيبات وقلوبهن تحني بس ما أقارن نور الشمس بلمبة الكهرب وخدعتها

هي الدفا في البرد وهي النور الي ينورني أحتاجها مثل ما تحتاج النحلة لزهرتها

أحلى أيام الطفوله يوم انها تحضني و باقي العمر لاصرت نايم على مخدتها

الله يوصي والرسول في حديثن يعلمني أن أحق الناس فيني ترا أمي وصحبتها

أسأل الله العظيم أن يغفرلي ويرحمني ما ابي من الدنيا غير ارضاه ثم امي و سعادتها



وسلااااااااااااااااااااامتكم

للشاعر سالم الزيير

م
ن
ق
و
ل